NURU YA KUKUPELEKA KATIKA KUSUDI LA KUUMBWA KWAKO

Tumetazama hatua nyingi za kullitaambua kusudi la kuumbwa kwako na baadhi ya mambo muhimu ya kuzingatia, katika toleo lililopita tulijifunza kuhusu kuanza kufanya jambo la kwanza, na tukatazama katika uumbaji wa Mungu kuiwa alianza na NURU katika uumbaji wa ulimwengu na vyote vilivyomo.

Na tuliona kuwa Nuru(Mwanga) ni nini.

Je, nuru hizo ni zipi?

Kama tulivyojifunza katika toleo lililopita kuwa nuru huwezesha kuona, hivyo hata ukiwa na maono, unahitaji nuru ili maono yako yaweze kudhihirika.

Nuru hizo ni mjumuisho wa mambo mengi ambayo wakati wote hukupa hamasa kuwa uliwazalo linawezekana na ni wewe unatakiwa kulituimiza. Hata ukiwa katika kukata tamaa, mambo hayo husimama na kukutia nguvu, na kukufanya uinuke ukiwa na ujasiri tele kisha kuanza tena hata kama uliona umeshindwa.

Mambo hayo ni yepi?

Jambo la kwanza ni nguvu ya Mungu,

Wafilipi 4:13 “Nayaweza mambo yote katika Yeye anitiaye nguvu.”

Katika uumbaji wake, Mwenyezi Mungu alishaweka kila kitu ndani yako kwa ajili ya kukuwezesha kutimiza kusudi lake aliloliweka ndani yako, hivyo kulitimiza kusudi hilo huhitaji mazingira ya nje yakuamulie, kwani uweza wote wa kulitimiza kusudi hilo umo ndani yako,

Waefeso 3:20 “Basi atukuzwe yeye awezaye kufanya mambo ya ajabu mno kuliko yote tuyaombayo au tuyawazayo, kwa kadri ya nguvu itendayo kazi ndani yetu.”

Kila kitu tayari unacho, rasilimali unazohitaji kutimiza malengo yako ambayo ndiyo kusudi la kuumbwa kwako, huvutwa na nguvu ya Kiungu iliyo ndani yako. Mfano: soma historia ya maisha ya Ibrahimu Mwanzo 13:8-9; Ibrahimu alitambua kuwa utajiri wake haumo katika ardhi nzuri, bali ni nguvu iliyo ndani yake ndiyo inayompa utajiri. Vilevile katika historia ya Yakobo, alitoka kwa babaye mikono mitupu lakini alirudi akiwa na utajiri mkuu ambao hakuupata kwa kutarajia mazingira ya nje, bali nguvu ya kuingu iliyo ndani yake ndiyo iliyomfanikishia.

Jambo la Pili, kuwa na mipango.

Hili pia ni jambo muhimu sana katika hatua za kutekeleza kusudi la kuumbwa kwako, ni lazima uwe na mikakati, ujue unatoka wapi, upo wapi na unaelekea wapi. Hii itakupa kutambua ni wapi umekosea na ni nini ukirekebishe, kuna wapendwa wengi wamekuwa wakikurupuka katika utendaji wa mambo wakidhani kuwa wanaweza fanya chochote wakati wowote kwa kuwa wana nguvu ya Mungu. Na imefikia wakati wanmaona kama kupanga si jambo la kiroho, hii si kweli. Mungu ni Mungu wa utaratibu, hata katika uumbaji, tuliona alifanya kila kitu kwa hatua, si kwamba hakuweza kufanya mambo yote kwa siku moja, bali alikuwa akitufundisha kufanya mambo kwa utaratibu.

Luka 14:28 “Maana ni nani katika ninyi, kama akitaka kujenga mnara, asiyeketi kwanza na kuhesabu gharama, kwamba anavyo vya kuumalizia?”

Hii inaashiria kuwa ni lazima tuwe na dira, yaani mipango inayoonesha tunatoka wapi na tunaelekea wapi;

Isaya 46:10 “nitangazaye mwisho tangu mwanzo, na tangu zamani za kale mambo yasiyotendeka bado; nikisema, shauri langu litasimama, name nitatenda mapenzi yangu yote.”

Hii inatudhihirishia kuwa ni utaratibu wa Mungu pia kupanga jambo analolitenda hadi mwisho wake kabla ya kuanza kulitekeleza, Je mimi na wewe?

Anza leo, kuwa na mpango kazi katika kutimiza malengo yako.

DOING THE FIRST THING FIRST

I life, to reach your success you need to do things in orders, that is; DO THE FIRST THING FIRST, unless otherwise you will be a person of blaming others everyday

We read in bible;

GENESIS 1:1-5 " In the beginning God created the heavens and the earth. 2 Now the earth was formless and empty, darkness was over the surface of the deep, and the Spirit of God was hovering over the waters.

3 And God said, “Let there be light,” and there was light. 4 God saw that the light was good, and he separated the light from the darkness. 5 God called the light “day,” and the darkness he called “night.” And there was evening, and there was morning—the first day."

As we see, even on creation, God did things in orders, that's why it took Him six days for creation before resting on seventh day.

WHY DO WE NEED TO DO FIRST THINGS FIRST, AND WHAT IS THAT FIRST THING?

As we have read on above verses,

Before doing anything, God started with light and darkness, why light and darkness?

We all know that like is an energy which stimulates the sensation of vision. Most of the people have vision, but they lack the energy to stimulate that so that it can operate well.

Before you start to do anything, make sure there is light to direct you in your vision. Not only having a vision that make things happen, the light must be there.

What is that light that you need to take you there to your destiny?

~don't miss the next part~

ASILI YA BINADAMU

ROHO

Roho ni mtu halisi, ndio maana uhai wa mtu ni roho, kwani iwapo roho itatengana na mwili, mwili hauna kazi tena, ndipo huitwa marehemu na mwili huo huzikwa. Na endapo mtu atakatika mkono, au mguu au kiungo kingine chochote na roho yake ikawa bado, basi mtu huyo atakuwa hai. Tunasoma;

Mwanzo 2:7 "Bwana Mungu akamfanya mtu kwa mavumbi ya ardhi, akampulizia puani pumzi ya uhai; mtu akawa nafsi hai."

Kilichofanya mtu aliyeumbwa kuwa hai ni pumzi ya Mungu, ambayo ndiyo huitwa Roho. Roho ina sehemu kubwa sana, kwani ndiyo hutuunganisha na Mungu wetu, hutuwezesha kupokea yale Mungu ametukusudia na kufanya ibada na Mungu wetu.

NAFSI

Hapo juu tumesoma kuwa mtu huyo akawa nafsi hai. Je, nafsi ni nini?

Nafsi ni sehemu ambayo huhusika na kuhifadhi maarifa, ni sehema ambayo humfanya mtu aweze kufikiri na kuhifadhi kumbukumbu. Sehemu hii ni kama CPU kwenye kompyuta au Injini ya gari. Tunasoma;

Mwanzo 1:28 "Mungu akawabarikia, Mungu akawaambia, Zaeni, mkaongezeke, mkaijaze nchi, na kutiisha; mkatawale samaki wa baharini, na ndege wa angani, na kila kiumbe chenye uhai kiendacho juu ya nchi."

Kilichopewa uwezo wa kutawala ni nafsi, na si mwili, kwani kama ni mwili, kuna viumbe wengi ambao wana nguvu kuliko mtu, bali kwa uwezo wa nafsi, ambako ndiko kuna maarifa, mtu huweza kutawala hata viumbe vyenye nguvu za ajabu.

MWILI

Mwili ni nyumba ya roho na nafsi, nyumba ya Roho Mtakatifu, ni kiunganishi cha mazingira ya ndani na nje. Mwili ni sehemu ya utekelezaji wa yale Roho imepokea toka kwa Mungu na yakahifadhiwa katika nafsi, kwa kufuata utaratibu unaotakiwa, nafsi huuamrisha mwili kutekeleza.

Sehemu zote tatu hutegemeana hivyo mwonekano wako kwa ujumla ni matokeo ya roho, nafsi na mwili wako ulivyo.

KUSUDI LA KUUMBWA KWAKO; ~inaendelea~

Tumeona baadhi ya mambo yatakayokuwezesha kutambua kusudi la kuumbwa kwako, mambo hayo yote ni muhimu sana katika kutambua na kutekeleza kusudi la Mungu juu ya maisha yako, hivyo ni vyema ukatilia maanani kila kipengele ili uwe bora na utende kusudi la Mungu kwa ubora hata kufikia mwisho mzuri kama ambavyo Mtume Paulo alifikia. Hebu tuendelee kuangalia njia nyingine itakayokuwezesha kutambua kusudi la kuumbwa kwako.

Mwito wa Ndani;

Hii pia ni sehemu muhimu sana, sehemu hii inajumuisha jambo lile ambalo unaguswa/unapenda kulifanya. Ndani yako unajisikia furaha iwapo jambo hilo litafanikiwa, ni jambo lile ambalo lipo akilini mwako. Ndipo mwandishi wa Zaburi akasema;

Zaburi 19:14 “Maneno ya kinywa changu, Na mawazo ya moyo wangu, Yapate kibali mbele zako, Ee BWANA, Mwamba wangu, na mwokozi wangu.”

Hapa inaonyesha kuwa kuna jambo ambalo mwandishi wa Zaburi alikuwa akiwaza kulifanya, hivyo alikuwa akimsihi Mungu aliridhie jambo hilo. Pia tunasoma katika Mithali;

Mithali 16:1 “Maandalio ya moyo ni ya mwanadamu; Bali jawabu la ulimi hutoka kwa BWANA.”

Hii inaonyesha kuwa kuna jambo ambalo mwanadamu anawaza kulifanya, cha muhimu kutambua hapa ni kuwa jambo lile unawaza kulifanya, ni lazima liendane na mpango wa Mungu, kwani ndiye anayetoa kibali na kuwezesha jambo hilo litimie, ndio maana nimeeleza kuwa hatua zote nilizozielezea ni muhimu sana katika kutimiza kusudi la kuumbwa kwako. Tunasoma pia katika kitabu cha Nabii isaya;

Isaya 43:26 “Unikumbushe, na tuhojiane; eleza mambo yako, upate kupewa haki yako.”

Bado inaonyesha kuwa tuna nafasi ya kutenda kile tunawaza, cha muhimu ni kuwa lazima kikubalike na Mungu. Tatizo watu wengi hawamshirikishi Mungu kwa mabo ambayo wanaguswa kuyafanya, wakidhani kuwa jambo la Mungu ni lile ambalo ataagizwa na Mungu mwenyewe kulifanya. Iwapo umefuata hatua ya kwanza ya kumpokea Bwana Yesu, ina maana kuwa maisha yako umeyarejesha katika mpango wa Mungu, hivyo kila unachokifanya, unakifanya kwa kusudi la Mungu, ndipo Mtume Paulo akasema;

Wafilipi 1:21a “Kwa maana kwangu mimi kuishi ni Kristo,…”

Baada ya kumpokea Yesu, Mtume Paulo anatudhihirishia kuwa mfumo mzima wa maisha yake ulibadilika na kila alilokuwa akilitenda, alikuwa akilitenda kwa ajili ya Bwana Mungu, sawasawa na vile Mungu mwenyewe alitaka.

Yamkini kuna jambo unawaza kulitenda ila unasita sita kwani huna uhakika iwapo ni mpango wa Mungu au la, napenda kukutia moyo siku hii ya leo kuwa acha kusitasita, isikize sauti ya Mungu inayosema ndani yako.

Maombi;

“Ee Bwana Yesu, niwezeshe Maneno ya kinywa changu, Na mawazo ya moyo wangu, yawe sawasawa na mpango wako juu ya maisha yangu. Amina!”

~Barikiwa sana!~

KUTAMBUA KUSUDI LA KUUMBWA KWAKO; INAENDELEA…

Tumeona hatua mbili  ambazo zitakusaidia kutambua kusudi la kuumbwa kwako, ambazo ni kwanza kuokoka na pili historia ya maisha yako.

Wacha tuendelee kuona hatua nyingine ambayo itakuwezesha kutambua kusudi la kuumbwa kwako;

Historia ya maisha yako/ maisha uliyopitia;

Hii ni hatua muhimu sana katika maisha ya mwanadamu, kwani maisha uliyopitia ni sehemu ya kuandaliwa ili ulitimize lile kusudi la Mungu katika maisha yako. Hakuna jambo a,mbalo limetokea kwa bahati mbaya katika maisha yako, kila jambo limetokea kwa kusudi maalumu, ikiwa ni sehemu ya kuandaliwa kwako;

Hebu tumtazame mfalme Daudi;                                                     

1Samweli 16:21 “Basi Daudi akamwendea Sauli, akasimama mbele yake, naye akampenda sana; naye akapata kuwa mtu wa kumchukulia silaha zake”

1Samweli 17:34-36 “Daudi akamwambia Sauli, Mtumishi wako alikuwa akichunga kondoo za baba yake, na alipokuwa akija samba, au dubu, akamkamata mwana kondoo wa lile kundi, mimi hutoka nikamfuata, nikampiga, nikampokonya kinywani mwake; na akinirukia, humshika ndevu zake, nikampiga, nikamwua. Mtumishi wako alimwua samba na dubu pia; na huyu Mfilisti asiyetahiriwa atakuwa kama mmoja wao, kwa sababu amewatukana majeshi ya Mungu aliye hai.”

Daudi alikuwa Mfalme maarufu sana na hodari wa vita, ambaye alimpendeza Mungu, hata Bwana Yesu akaitwa Mwana wa Daudi. Kuwa hodari wa vita haikuja tu kwa bahati, alipitia maisha mbalimbali ambayo yalimuandaa kwa ajili ya jukumu hilo. Alianza kupambana na wanyama hatari waliokuwa wakivizia mifugo yake, akaja kuwa mbeba silaha wa mfalme Sauli, hii yote ikiwa ni sehemu ya kuandaliwa.

Hebu tumtazame pia;

Mwanzo 39:4 & 22 “Yusufu akaona neema machoni pake, akamtumikia. Naye akamweka awe msimamizi juu ya nyumba yake, na yote yaliyomo akayaweka mkononi mwake.” “Mkuu wa gerezaa kawatia mkononi mwa Yusufu watu wote waliofungwa, waliomo gerezani; na yote yaliyofanyika humo ndiye aliyeyafanya.”

Utawala wa Yusufu haukuja kwa bahati tu, aliandaliwa, ni utaratibu wa Mungu kukuandaa kabla hajakupa majukumu. Hata Musa nawe aliandaliwa kama mtawala, kwani alichukuliwa katika familia ya kitawala (Farao) ili awe mtawala kwa wana wa Israeli. Je, ni maisha ya namna gani umepitia? Je, umejifunza nini katika maisha hayo? Hata kama maisha uliyopitia ni magumu kama ambavyo Yusufu alipitia, tambua kuwa kuna kusudi la Mungu hapo, kuna jambo unapaswa kujifunza, usipoteze wakati kwa kulaumu watu au kumlaumu Mungu, Mungu ni Mungu wa utaratibu, hutenda kila jambo kwa kusudi maalumu, mwombe Roho Mtakatifu akusaidie kutambua kusudi la Mungu hapo ulipo.

MAOMBI;

“Bwana Yesu, ninashukuru kwa kuniwezesha kuatmbua kuwa maisha niliyopitia na ninayopitia yana kusudi lako ndani yake, nime Roho wako wa Ufahamu anipe kulitambua kusudi lako na Roho wako wa Uweza anisaidie katika kulitimiza kusudi lako. Amina.”

Usikose sehemu inayofuatia katika mwendelezo wa somo hili...

~BARIKIWA SANA~ 

TOLEO MAALUMU; MIAKA SABA YA WOKOVU

Bwana Yesu, asante kwa ajili ya siku hii ya leo, ndiwe uliyenifikisha kwa neema yako, ulinzi wako na uweza wako, Asante Bwana Yesu.

KUOKOKA;

Ni miaka saba sasa tangu nikupokee wewe Bwana Yesu Kristo wa Nazareth kuwa ni Bwana na mwokozi wa maisha yangu, ni jambo la kukushukuru sana Mungu wangu uliyenifikisha leo hii.

Ilikuwa ni mwaka 2008, April ya tarehe 27 katika kanisa la Efatha kituo cha Mwendakasi kilichopo Mwendapole Kibaha, baada ya kupata mwaliko wa kushiriki ibada ya Jumapili katika kanisa hilo, kutoka kwa kijana mmoja aitwaye Wille, ambaye alikuwa mshirika wa kanisa hilo pia, na aliwahi kumsaidia mdogo wangu Godfrey Malifimbo kwa maombi baada ya kusumbuliwa na tumbo; kama ilivyo utaratibu wake wa ibada, siku hiyo ilikuwa ni ya tofauti sana kwangu, kwani nilihisi uwepo wa nguvu ya Mungu katika ibada hiyo. Baada ya ibada kumalizika, ambapo ibada ya siku hiyo iliongozwa na Mchungaji kiongozi wa kanda(mkoa) wa Kimara, akakaribisha utambulisho wa wageni ambapo mimi, na wadogo zangu, Godfrey Malifimbo, Justine Luambano na rafiki yetu Hamis Funuki tulijitambulisha. Baada ya utambulisho ndipo Mchungaji huyo aliita wale ambao wanataka kumpa Yesu maisha yao, wapiti mbele. Nikiwa nimetulia kwenye kiti sina wazo la kupita mbele, niliyasikia maneno haya ambayo hayakutamkwa na mtu yeyote, bali Bwana Yesu mwenyewe alisema nami, “Ukinikataa mbele ya watu, name nitakukataa mbele za Baba yangu wa Mbinguni” kwa kweli, baada ya kusikizishwa maneno hayo; niliinuka na kusonga mbele, Oh! haleluya… ndipo Mchungaji huyo akaniongoza sala ya toba. Kwa wakati huo, nilikuwa sijawahi kusikia Huduma ya Efatha ni mara yangu ya kwanza, na kuhusu Mtume na Nabii ndio kabisaa, sikuwahi kumsikia.

BAADA YA KUOKOKA;

Kwa ujumla kwa kipindi hiki chote cha miaka saba, sijawa mkamilifu mbele zake, sijatembea kwa utakatifu kama ambavyo ilinipasa, lakini Mungu ni mwema! Nalipokuwa katika hali ya kuzungukwa na uovu, alikuwa mwaminifu kwangu kujitokeza na kunionya, kunitakasa , kunitia nguvu na kuniridhia kwa upya, na kuniwezesha kuinuka tena na kusonga mbele.

Baada ya Jumapili hiyo, nikarudi kanisani kwangu nilikokuwa nikisali (R.C) na sikupenda tena hata kuwasiliana na kaka Yule aliyetukaribisha, mara nyingi alijitahidi kuja kututembelea shule (Kibaha Sekondari), bila mafanikio.

Mnamo mwezi Juni, tulikuwa na mapumziko ambapo nilibaki Dar es Salaam! Nilimshirikisha Mjomba wangu Gaston, kwa habari ya mwaliko tulioupata kwa Yule kijana name kukubali kumpokea Yesu, ndipo Mjomba akaniambia Makao Makuu yake yapo Mwenge, na akaniambia tukasali Jumapili, nami nikakubali.

Hatimaye jumapili ikawadia, tukawasili kanisani hapo na Ibada iliongozwa na Mtume na Nabii Josephat Elias Mwingira, kwa mara ya kwanza kwangu kuonana na mtumishi huyo wa Mungu. Siku hiyo ilikuwa ni ya ajabu sana kwangu, kwani kuna mambo mengi ambayo Mungu alisema name nilipokuwa mdogo, nikayaona mambo hayo yakijidhihirisha siku hiyo kwa macho yangu, mambo hayo yalihusisha namna ya kutumika, kiasi kwamba sikuwahi kuona yakitendeka kwa Mtumishi yeyote niliyewahi kumsikia au hata niliokuja kuwasikia baadaye, na kuanzia wakati huo, MOYO wangu ukaambatana na MOYO wa Mtumishi huyu, nami baada ya hapo nikafanya shauri kuwa mimi ni wa Efatha name nitatumika pamoja na Mtume na Nabii Josephat Elias Mwingira. Niliporudi shule, nikaenda kuripoti Kanisani Mwendakasi na kuanza madarasa ya kukulia wokovu mara moja. Nilimwomba sana Mungu nifikie ubatizo kabla sijaenda likizo ya Desemba, Mungu ni mwema, mnamo mwezi Oktoba, nikapata ubatizo. Na mwezi Juni 2009, nikapata ubatizo wa Roho Mtakatifu baada ya kumaliza masomo ya Kukulia wokovu, (wokovu, ubatizo na Roho Mtakatifu), asante sana mwalimu wangu wa madarasa ya kukulia wokovu, Mwl. Eliza kutoka Huduma ya Efatha, kituo cha Mwendakasi, Mungu akubariki sana.

CHANGAMOTO;

Changamoto katika maisha ya wokovu hazikosekani, changamoto ya kwanza ni mwili, mwili ni dhaifu, na mwili hushindana na roho wakati wote, ashukuriwe Mungu aliyenipa kuwepo hapa nilipo leo hii.

Changamoto ya pili niliyokutana nayo ni kubaguliwa na baadhi ya wapendwa kwa sababu tu ya sehemu ninayoabudu, yaani Huduma ya Efatha, lakini kwa kuwa Yeye ninayemwamini ndiye aliyeniridhia kuwepo mahali hapa, hata siku moja sijawahi kukata tama kwa ajili ya hili.

Changamoto nyingine ni vikwazo mbalimbali ninavyokutana navyo katika kutimiza kusudi la Mungu, ikiwa ni pamoja na kukatishwa tama, kutotitimiza malengo, au wakati mwingine malengo ambayo nimetumaini kuwa ni sahihi kuja onekana kuwa hayakuwa sahihi.

MAISHA YANGU KWA UJUMLA;

Ninakupenda Bwana Yesu, kwani umekuwa mwaminifu sana kwangu na hata wakati huu umenizingira kwa utukufu wako mkuu. Umenipa familia kubwa ambayo imenizingira kwa upendo mwingi;

Umenipa marafiki mbalimbali ambao wamekuwa faraja kubwa sana kwangu;

Wazazi wangu, Mungu awabariki sana! Kwani mmeniwezesha kufika mahali hapa.

Kaka zangu na dada zangu, bibi, mamkubwa mamdogo, na wajomba, nabarikiwa sana nanyi; mchango wenu pia umenifikisha hapa leo hii.

Sauda, wakati wote hakuacha kunijali, hata kama nilikuwa bize sana na mambo yangu, na sikumjali kwa lolote, hakuchoka wala kukata tama, bali amezidi kunitazama kwa upendo wako Mungu uliouweka ndani yake, asante.

Tetwigis, wewe ni mtu muhimu sana kwangu, ni kweli nilikukatika tama hata yametokea yaliyotokea, lakini Mungu ni mwema nabarikiwa sana na wewe, umekuwa faraja kubwa sana kwangu.

Anko Gaston, you mean a lot to me, Mungu akubariki sana.

Nuru, Sadick, Charlz na Said hakika mmekuwa faraja kwangu, hata wakati mwingine washauri wazuri kwangu katika wakati niliofikia wa kukata tama. Keneth, wewe si rafiki tu kwangu, wewe ni ndugu yangu sasa.

Asante pia kwa watu mbalimbali ambao Mungu umewainua na wamefanyika Baraka kubwa sana kwangu hata kuifikia leo hii, Mwl. Kayombo, Mwl. Kinunda, Mwl. Ngonyani, Mwl. Kapinga, Mwl. Ndunguru, Mr. A. Salim, Mr. Kaselenge, Mr. Sweke, Miss Beatrice, Mr. & Mrs. Kattanga, Mrs. Gangisa, Mrs. Kunyanja, Mr. Mandele na wengine ambao sijaweza kuwaandika hapa, kwa kweli wamefanyika msaada mkubwa sana kwangu hata leo hii nimefika hapa nilipo. Mungu, nakusihi zidi kuwainua na kuwabariki sawasawa na walivyomtendea fadhili Mtumishi wako.

Katika maisha yangu, my Mentors ni Mtume na Nabii Josephat Elias Mwimgira na Mr. & Mrs Kattanga. Mungu awajalie kutenda vyema na kuwainua katika viwango vya juu zaidi ili niwe na mengi zaidi ya kujifunza toka kwenu.

Asante sana Mchungaji Philipo, Mchungaji kiongozi wa Mkoa wa Ruvuma na Mch. Boniface, wa kituo cha Mbinga, nabarikiwa sana na nyinyi watumishi wa Mungu.

Kwa hakika Mungu amenishindia na mengi hata leo hii nimefika mahali hapa, sitaisahau tar 30 Julai, 2012, Mungu aliponiepusha na kifo cha ajali ya gari kwa namna ya ajabu sana! Amenipigania katika elimu yangu hata leo hii nimefika mahali hapa. Hakika BWANA wewe ni Yebeneza.

KIUTUMISHI;

Kwa miaka hii saba, namshukuru Mungu amenitumia kwa namna ya ajabu sawasawa na mapenzi yake, nimesababisha wengine kumpokea Yesu, na wengi kupata maarifa ya kumjua Yeye, wengine wameponywa na wengine wamefumguliwa! Asante Bwana Yesu.

USHAURI WANGU;

Hatuendi kwenye makanisa kama fasheni au ufahari, bali ni kwa sababu Bwana ametukusudia tuwepo mahala tulipo. Hivyo ni lazima ujue mahala ulipokusudia kuwepo na mlezi wako wa Kiroho. Hii itakusaidia kuwa na msimamo wa Kiroho na kukuepusha na uzururaji.

Pili; wokovu ni wa mtu binafsi, usiendeshwe na misimamo ya makundi ambayo inasimama kinyume na imani yako, hata kama kundi hilo ni la watu aliookoka, mtii Mlezi wako wa Kiroho ambaye Bwana Mungu amekupa.

Tatu; Katika maamuzi yako yote, tanguliza wokovu wako mbele, yaani usiamue jambo lolote ambalo ni kinyume na wokovu, kinyume na maagizo, maelekezo na amri za Mungu.

HITIMISHO;

Mungu akubariki sana wewe ambaye kwa namna moja au nyingine umefanyika Baraka kwangu.

“Ee Bwana Mungu, asante kwa ajili ya neema yako katika maisha yangu, nakupenda Bwana Yesu, nenda nami Bwana, nipiganie na nishindie katika safari hii, nikupendeze wewe na niyatende mapenzi yako… Amina!”

Mungu wangu akubariki sana!

MTUMISHI AGREY E. HYERA